موقع الوديان
المناصب مش طريقة الحقيقة
اذا بتزيّنها نفوس الخليقة
بميازين العدالة وبالمقدر
والاستبصار قبل نار الحريقة
وتوضح مقصدي ويظهر الجوهر
بجوهر كلمتي الحرة الطليقة
اسمعوني بمنطق السامع الاخبر
لانكم روح فلسفتي الغميقة
صار القائد يقرّر ويظهَرْ
النا بمظهر العايش بضيقة
كأنّه مع قرارُه ظل يسهر
لحتّى طلعت الشمس ببريقا
وطلع الحكم مستعمر استعمر
حياة الناس ملكوا بالوثيقة
ما همه الشعب عم يصرخ استنكر
همّه يزول همّه بالدقيقة
وهمّه يا شعب الله أكبر
قصر ومملكة ومال وعشيقة
وين العدل يا شعبي الموقّر
وين هيي الاحاسيس الرقيقة
صار المال بالاجمال أطهر
من العفّة من الروح الأنيقة
ورجالات العمالة عم بتكبر
على الأخضر وعم بتدلع بريقا
على الفلاح عاحلة البيدر
على تاريخ أمّتنا العريقة
وكل ما من الشعب انسان فكّر
طلع سجّان من خلف الحديقة
وكل ما من الغرب مسؤول قرر
طلع مسؤول يخطب والزعامة
بتجي وبتروح بنفس الطريقة