موقع الوديان
مفيد مهنا
خلوني وحدي اعمل لحساب
ارضنا زرعنا
والسطح طينا
وكومة حطب حضرنا
ونطرنا الشتي عَ الباب
وولاد شو نطروا لولاد
والهم زاد وتعسّر
واختي تتحسر
تلغمار تبوس البيدر
وتتبغدد عَلى بغداد
كان يوم وكانت ايام
لغيوم السودا تجرّح لغياب
بكيت فرح
ودمعت عين المزراب
وانجرح قلبها
وقلب امي انجرح
عحجار بعدها حجار
وبيت ما بعدو بيت
وجرن كبة مخبي لسرار
وروزنة توشوش خوابي الزيت
وستي لبست جلباب لحّداد
عَ (الدامون وميعار)
وحسره عَ ريحة الديار
تحلف بحنّة عرس اختي
لتظل ناطرا التراب
تيغيب الريح
وتتقطب زرار الثيّاب
(البقيعة)