موقع الوديان
يتابع موقع الوديان ما ينشر من مقالات ورسائل وبيانات والتعليقات حول اقتراح التعاقد مع جمعية دركا لإدارة المدرسة الثانوية، وحرية النشر متاحة للجميع بدون استثناء، مترفعين ان أي موقف ولأي كان، فلكل رايه ولكل احترامه وما يصلنا نقوم بنشره اذا كان يراعي اصول النشر المتبعة. وبهذه المناسبة نتوجه للأخوة والاخوات المعقبين ان يراعوا الاصول نفسه واي تعليق او تعقيب فيه اية اساءة او تهجم على أي كان سوف لا ينشر ونرجو المعذرة.
جاء قبل قليل، على لسان الدكتور سويد سويد رئيس مجلس البقيعة من خلال موقع المجلس المحلي عبر الفيسبوك القول:
الأخوات والأخوة الأعزاء،
من منطلق اهتمامنا بجهاز التربية والتعليم في قريتنا الغالية، ومن منطلق المسؤولية والحرص على مستقبل ابنائنا وبناتنا، اغلى ما نملك. باشرنا بالإعداد لإقامة لجنة مهنيين، واشدد على مهنيين، ذوي كفاءات وباع طويل في مجال التربية والتعليم، لتكون لجنة توجيهية تبحث في سبل تطوير وتحسين جهاز التربية والتعليم ابتداءً من الروضات حتى المدرسة الثانوية. قراراتها المهنية ستكون بمثابة حجر الاساس وموجهة لعمل المجلس المحلي في مجال التربية والتعليم. بعد الانتهاء من تشكيل اللجنة سنقوم بإعلامكم عن اسماء اعضائها.
اما الصديق يوسف زرقا فكتب يوم امس على صفحته في الفيسبوك بخصوص بيع المدرسة لجمعية دركا يقول:
التخبط الذي تمر به شخصيات في البقيعة في أعقاب اقتراح بيع المدرسة الثانوية لشركة “داركا” ،وخلط الأوراق ،، وقبله قضية شركة المياه وغيرها ،يذكرني بقول طليع حمدان :
ما عاد فينا كل عشر سنين نخسر بلد كرمال شخصية
تنبطل بهالبلد مختلفين عائلية العنا خطر عالكل لازم نغير هيك عقلية
يا حبذا لو تبحث الامور وتتخذ القرارات بشكل مهني وموضوعي ، المصالح الشخصية ضيقة ومؤقتة وقد تدمر اجيال.
انا من اﻷقليات لكن لا ارى الجودة بكل من نزل مقالة .. دعونا نبحث عن اﻷفضل علنا نجد، ما دمنا حتى اﻵن خائبي الرجاء..
الدكتور سويد بعدو ما عين لجنة، هو طلب من كل اهل البلد اللي بشوف حالو مناسب يفوت باللجنة يتفضل يفوت .. لكن على ما يبدو انكو انتو بتعرفو انكو ما بتصلحو تكونو بلجان ..
يا شريف ويا الحق شو هالصدف انكو حطيتو تعليقاتكو خلال ربع سيعة؟
خافوا من الله ، الحق مع يوسف زرقا ..
لاههههه !!! أنتم من تفهمون بمصلحه البلد ؟ اسا السيد يوسف زرقا بفهمش وصار لبفهم ولي ما بفهم يحكي ؟السيد يوسف من الشخصيات المرمووقه بالمجتمع . بس أنتم ما بدكم المثقفين يتكلمون لأنكم بدكم مصالحكم الخاصه . شو يعني؟ انتم من تفهمون يا ( مصلحجيه )؟
كل الاحترام الك اخ يوسف . الدكتور سويد عين لجنه مهنيه تبحث الموضوع وما بدو يعلن اسا عن أسماءهم لانها لجنه غير مهنيه بالأساس وهو غير مقتنع بها ولكن قال : بعينهم وبقول هم الذين قرروا بيع المدرسه ومش انا .العبوا غيرها يا روحي . البلد في طريقها الى آباده جماعيه على يد الدكتور سويد وامثاله . شو انت مفكرنا هبلان ؟ أعلن يا دكتور أسماءهم الان لكي يكون لجميع أهل البلد القرار كذلك وليس لك ولاعوانك . انا بقول لكم انه واحد من اللجنه هو شخص مش مواطن البقيعه ومن هو ليس من سكان البقيعه لا يحق له أخذ القرار بمصيرها .هذا الشخص هو الاستاذ عبدالله سعيد عامر .. هو المكلف بهذه المهمه والكل يعرف الدافع السياسي لهذه الأشخاص . حرام عليكم . مين كان هذا الشخص حتى يقرر لنا مستقبلنا؟. سياسه بحت . حرام حرام حرام تلعبوا بفلذات أكبادنا من شان دوافع سياسيه .
احنا بدنا ناس مثلك بتفهم وناجحه وعندها خبره بس للاسف ما رح يصير لانو الواضح انو الرئاسه ببلدنا بس للعيل الكبيره حتى لو كان المرشح ما بعرف الخمسه من الطمسه الاقاليات مهما كانو عندنن خبره باداراه رايحن بدوكه …اخ يا بلدي حكامك دار خير ودار سويد وبس ارجو من موقع وديان المحترم نشر التعقيب فهذا موقفي وانا بنت هذه القريه
سؤال لزعيم ال زرقا شو الي بدك اياه بالظبط ارسي على بر خلينا نعرف منوين نبدا الحكي معاك
عفوا ، مين بدو يبيع شو؟؟؟
مين جاب سيرة البيع والشراء؟
على ما يبدو ان أفكار بعض القراء تتمحور فقط حول البيع والشراء.. ارجو التركيز في اﻹقتراح (التعاقد مع دركا) ولاتتعدو حدود المضمون..
صار اللي بفهم وبفهمش يعطي رايو
بس اذا بسمح السيد المحترم يوسف زرقا يقول للكل وين كان
حضرتو قبل ، ليش ما سمعنا يعبر عن نفسه
بكفي ترويج وتحريض صار مفهوم للجميع انو القصه سياسه غير نظيفه