على الدلعونا على الدلعونا بيبي وصحابو اللي وحّدونا .. بواسطة الاستاذ سهيل مخول ت البقيعة

https://www.facebook.com/alfred.hajjar.5/videos/2549309305313513/?t=1

يا خيي واختي ويا أهل بلدي
بس المشتركه سندك وسندي
وعشان مستقبل إبنك وولدي
لازم ندعمهن تيدعمونا

المشتركه منا وفينا وإلنا
هيي جمعتنا ولمّت شملنا
وشو ما سوّينا وشو ما عِملنا
لولا وحدتنا ليهجّرونا

احنا معاكم يا أَبو الطيٌب
لحتّى تحموا هالشعب الطيب
وبكرا الولايم والأكل الطيّب
لما المشتركه تطيح العشرونا

شدّوا همتكو وزيدوا بالحرَكه
وأعطوا أصواتكو لهالمشتركه
كلما صوّتنا بتزيد البرَكه
وبيصيروا يْهابوا ويسايرونا

يا عهد البيبي يا عهد الأكشِن
سرقه ورشاوي ودفْع پروتكشن
وساره هدايا (شمپانيا) بتحلب من ملشن
وسيچار لْبيبي حقّو مليونا

لا تفكّر چانتس أحسن من بيبي
بتروح مصيبِـه وبتيجي مصيبِـه
بس المُشترَكِه مع أحمد طيبي
بتفضح خفايا كانت مدفونَه

وِحْـدِه وَطنيّـه وِحْـدِه عربيِّه
دروز وإسلام ومع مسيحيه
والباب مْشَرَّعْ لليَـهوديّه
الْ بنحبُّنْ مثل ما بيحبّونا

مين الْ بيحافظ على الحُرّيّه
وبيناضل يلغي قانون القوميّه
ضدّك يا عربي هالعنصريّه
بدها هبه يزبك وعايده توما

نحنا بهالدوله عشرين بالميّه
سرقوا أصواتنا هالحراميه
لازم نصوّت بالأكثريّه
تنغيّر قوانين المَسنونَه

عندك أمراض بتيجي من ألله
وأمراض بإيدك تقدر تحلّا
بيبي مْنِ النوع الثاني ماشالله
والنوع الأول مثل الكورونا

الموال:
الواو وِحْدِه يا عربنا توَحّدوا
والضاد لُغِّتنا وعَلَيْـها شَدِّدوا
والعين لإسم العرب بتمجّدو
والميم موطنّا ما فيكو تبعّدوه
وحتّى يحل الخَيْر وِيْعِـمّ السلام
بدنا الثّقَه لَقائمتنا تجدّدوا

عتابا:
ميجانا يا ميجانا ياميجانا
نُوّابنا ما في لنا عنهن غِنى

إحنا أهل لبلاد وبيوتنا مش تِركه
سَوا عايشين في حياه مشتركه
وحتى الكرامه نصون صوّت مشتركه
وحط “وضعم” بيوم الإنتخاب