موقع الوديان
طَلّ الربيعُ الأخضـر
بيِسحِــر الِعقول
جانا بوَردُه الِمْعطَّــر
شيْ مِش معقول
____________
يا أمَلي اللّي بيـزَهِّـر
لــمّـا بــيـطُّــل
فيك الدنـيي بتِـتـنَـوَّر
بيِضحك الفُــل
سُبحانُه ياللّـي صَـوَّر
وفَـرَّح الكُــل
جمال بلادي اتـعَمَّــر
بَهجِه وِسْرور
____________
الزنبق طَل بضِحكاتُه
فرحان بالنّـور
صار يوَزِّع بسمــاتُه
وِيْحَيّي الزهور
والربيــع بـلـوحــاتُــه
صِرِت مسحور
عَطَّرني من نسمـاتُــه
وقلبي مذهــول
____________
يا ربيـعي لا تْجــافي
فـيــك الأفــراح
بتعطيني الحُب الدافي
بِتْداوي جْراح
فيك الجمال الشّــافي
بوجهك بَرتاح
فيك المحبّه الصافيـه
انتَ المقبــول